February 29

Գուրգեն Մահարի

Օրոր մարգին, արտույտներին, ծառին, ձորին,  

Կածաններին իմ մենավոր, կանաչ բարդուն,  

Օրոր, քնքուշ իմ աքասի, օրոր, մորի,  

Օրոր սարին, հանդին, արտին, օրոր մարդուն, 

Category: Մայրենի | LEAVE A COMMENT
February 27

ԳԱՐՈՒՆ 

Գարունը այնքա՛ն ծաղիկ է վառել, 

Գարունը այնպե՛ս պայծառ է կրկին. 

— Ուզում եմ մեկին քնքշորեն սիրել, 

Ուզում եմ անուշ փայփայել մեկին։ 

Այնպե՛ս գգվող է երեկոն անափ, 

Ծաղիկներն այնպես նազով են փակվում. 

— Շուրջըս վառված է մի անուշ տագնապ, 

Մի նոր հուզում է սիրտըս մրրկում… 

Անտես զանգերի կարկաչն եմ լսում, 

Իմ բացված սրտում հնչում է մի երգ. 

— Կարծես թե մեկը ինձ է երազում, 

Կարծես կանչում է ինձ մի քնքուշ ձեռք… 

Category: Մայրենի | LEAVE A COMMENT